पूर्व–पश्चिम राजमार्ग विस्तारको क्रममा मोरङको सुन्दरहरैचा नगरपालिका–७ स्थित मालती पुल नजिक चारवटा सिलिण्डर बम फेला परेको छ ।
मोरङ जिल्ला प्रहरीका प्रवक्ता डिएसपी वेदप्रकाश जोशीका अनुसार बम नेपाल द्वन्द्वकालका समयको हुन सक्ने अनुमान गरिएको छ ।
जिल्ला प्रशासन कार्यालय मोरङलाई बिहीबार बिहान मालती पुल नजिकै द्वन्द्वकालीन विष्फोटक पदार्थ भेटिएको सूचना प्राप्त भएको थियो । राजमार्ग विस्तारका लागि उत्खनन कार्यका क्रममा बम विस्फोटको जोखिम मूल्याङ्कन गरेपछि नेपाली सेना र प्रहरीको टोली खोजी कार्यमा खटाइएको थियो ।
‘तलाशका क्रममा जमिनमुनि गाडेका चारवटा सिलिण्डर बम र जोडिएको तारसहित फेला परेको छ,’ डीएसपी जोशीले भने । “यी द्वन्द्वकालका हुन्, र तिनीहरूलाई सुरक्षित रूपमा निष्कासन गर्ने तयारी भइरहेको छ।”
सूचना पाएपछि अधिकारीहरूले खोजी गर्न राजमार्गलाई अस्थायी रूपमा बन्द गरेका थिए। बम १ दिन पछि फेला परेको थियो।
माओवादी केन्द्रका नेताहरुका अनुसार २०६० साल भदौमा माओवादी र सरकारपक्षबीच बेलबारीमा भिडन्त हुँदा सेनालाई रोक्न सो खण्डमा सुरुङ खनेर एम्बुस राखेको थियो । बेलबारी भिडन्तका बेला राखिएको बम २१ वर्षपछि ‘डिस्पोज’ गरियो ।
