सहकारी ठगी मुद्दामा थुनामा रहेका लामिछानेको पक्षमा हस्ताक्षर गरेको फोटो सार्वजनिक भएपछि ट्राफिक सई छानबिनमा
सहकारी ठगीको आरोपमा थुनामा रहेका रवि लामिछानेको समर्थनमा नागरिकस्तरबाट चलाइएको हस्ताक्षर अभियानमा संलग्न भएको आरोपमा ट्राफिक सई कमल खड्का प्रहरी छानबिनमा परेका छन्।
सामाजिक सञ्जालमा भाइरल भएको दस्तावेजअनुसार सईले लामिछानेका पक्षमा हस्ताक्षर गरेको देखिएपछि प्रहरी प्रशासनले सो घटनालाई गम्भीर रूपमा लिँदै स्पष्टिकरणको लागि बोलाएको हो।
हाल सामाजिक सञ्जालमा खड्काले सो अभियानमा हस्ताक्षर गरिरहेको फोटो सार्वजनिक भएपछि प्रहरी संगठनले आन्तरिक अनुशासन उल्लङ्घनको आशङ्कामा प्रारम्भिक अनुसन्धान सुरु गरेको हो।
