नेपालगञ्ज, असार २३, रेस्क्यू संस्थाको आयोजनामा असार २० गते देखि २२ गतेसम्म मानव बेचबिखन तथा ओसारपसार न्यूनिकरण विषयकमा संस्थाका पदाधिकारी तथा कर्मचारीहरुको क्षमता अभिवृद्धि गर्ने तीन दिने तालिम सम्पन्न भयो ।
तालिम उद्घाटन रेस्क्यू संस्थाका अध्यक्ष कुल प्रसाद जैसीको अध्यक्षतामा भई सञ्चालन कार्यकारी निर्देशक जीवन गिरीले गरेका थिए ।
तालिममा मानव बेचबिखन तथा ओसारपसारको उद्देश्यहरु, कारणहरु, असरहरु साथै यसको नियन्त्रणको उपाय, र ऐन तथा नियमावली सम्बन्धी दुई दशक भन्दा बढी अनुभवि प्रशिक्षक राधिका गिरीले प्रशिक्षण गरिन् । प्रशिक्षार्थीहरुलाई २-दिन सैद्धान्तिक तालिम र १-दिन जुमुनाहा सीमानामा अनुगमन गराए।
मानव बेचविखन तथा ओसार पसार नियन्त्रणमा कर्मचारीले मात्र नभई प्रत्येक नागरिकले पनि आफ्नो भूमिका खेल्न सक्ने महशुस भएको संस्थाका सदस्य सुदर्शन चौधरीले बताए ।प्रशिक्षार्थी अर्पणा शर्मा भट्ट भन्छिन् यस तालिमबाट आफूले नयाँ उर्जा साथै अझ बढि ज्ञान पाएको छु र आउने दिनहरुमा प्रभावकारी रुपमा यस कार्यमा अघि बढ्दै जानेछु । रेस्क्यू संस्थाका सदस्य विजय जमदारले आउने दिनहरुमा पनि यस्तै प्रभावकारी तालिमहरु राख्न अनुरोध गरे ।
कार्यक्रम समापनमा बोल्दै रेस्क्यू संस्थाका अध्यक्ष कुल प्रसाद जैसी भन्छन्, यस तालिमबाट कर्मचारी साथै सम्पूर्ण सदस्यहरुमा सेवाको भावना वृद्धि हुने र मानव बेचविखन नियन्त्रण कार्यमा प्रभावकारिता आउने विश्वास छ ।
यस कार्यक्रममा सहभागी संस्थाका पदाधीकारी, सदस्य र कर्मचारी गरी १७ जनाको सहभागिता रहेको थियो ।
