अमेरिका, माघ ७,२०८१। डोनाल्ड जे. ट्रम्पलाई औपचारिक रूपमा अमेरिकाको ४७औँ राष्ट्रपति पदमा नियुक्त गरिएको छ। सन् २०१७ देखि २०२१ सम्म राष्ट्रपतिको रूपमा सेवा गरेका ट्रम्प दोस्रो कार्यकालका लागि पुनः ह्वाइट हाउस फर्किन सफल भएका छन्।
नव-नियुक्त राष्ट्रपति ट्रम्पले सपथ ग्रहण समारोहमा राष्ट्रको एकता, आर्थिक समृद्धि, तथा राष्ट्रिय सुरक्षालाई प्राथमिकतामा राख्ने प्रतिबद्धता व्यक्त गरे।
उनका समर्थकहरूले यस निर्णयलाई ऐतिहासिक विजयका रूपमा लिएका छन् भने उनका आलोचकहरूले नयाँ प्रशासनका नीतिहरूलाई गहिरो रूपमा विश्लेषण गरिरहेका छन्। ७८ वर्षीय ट्रम्प दोस्रो पटक अमेरिकाको राष्ट्रपति बनेका हुन्। यसअघि, उहाँ देशका ४५औँ राष्ट्रपति रूपमा सेवा गरिसक्नुभएको थियो।
ट्रम्पको नेतृत्वमा अमेरिकाले आर्थिक नीति, आप्रवासन व्यवस्था, तथा अन्तर्राष्ट्रिय सम्बन्धमा के-कस्ता परिवर्तन गर्नेछ भन्ने विषयमा विश्वभर चासो व्यक्त गरिएको छ। आगामी दिनहरूमा उनले आफ्नो प्रशासनिक रणनीति सार्वजनिक गर्ने अपेक्षा गरिएको छ।
ट्रम्पले आफ्नो कार्यकालको पहिलो दिन करिब सयवटा कार्यकारी आदेशमा हस्ताक्षर गर्ने तयारी गरेका छन्। उनले जनवरी ६, २०२१ मा क्यापिटल हिलमा भएको हमलामा संलग्न सबै व्यक्तिहरूलाई आममाफी दिने घोषणा गरेका छन्। साथै, अवैधानिक रूपमा अमेरिका बसोबास गरिरहेका ठूलो संख्यामा आप्रवासीहरूलाई देशनिकाला गर्न सक्ने आदेश दिने सम्भावना रहेको छ।
उनको प्राथमिक योजनामा दक्षिणी सीमामा पर्खाल निर्माणको पुनःतिब्रता, खनिज उत्खननको विस्तार, क्यानडा र मेक्सिकोबाट आयात हुने वस्तुहरूमा २५ प्रतिशत तथा चिनियाँ सामानमा ३५ प्रतिशतसम्म कर वृद्धि गर्ने निर्णय पनि समावेश रहेको बताइएको छ।
अर्को पढ्नुहोस् : अमेरिका मा भयो टिकटक ब्यान
