काठमाडौं| नेपाल, बुधबार दिउँसो १:३० बजे रसुवाको स्याफ्रुबेसीका लागि उडेको एयर डाइनेस्टीको हेलिकोप्टर दुर्घटना हुँदा पाँचै जना सवारले ज्यान गुमाएका छन् ।
काठमाडौंबाट स्याफ्रुबेसी, रसुवा उडेको एयर डाइनेस्टी हेलिकप्टर नुवाकोटको शिवपुरी गा.पा.-७ सूर्यचौरमा दुर्घटना भएको छ ।गुर्जेभन्ज्याङ अस्थायी प्रहरी पोस्टका हवल्दार राजन खत्रीले दुर्घटनास्थलमा पाँचवटा शव भेटिएको बताए । स्थानीयवासीले उक्त डाँडामा धुँवा देखेपछि प्रहरीलाई खबर गर्नासाथ घटनास्थलमा पुगेको प्रहरीले १ जना महिला र ४ जना पुरुषको शव निकाल्नुका साथै उद्धार कार्य जारी रहेको छ ।
हेलिकप्टरमा अन्य चार चिनियाँ पर्यटक सवार थिए । चिनियाँ पर्यटकहरूमा जुडाड ताङ (पुरुष), जी ली (पुरुष), यियाड वु-(महिला) र जेमिङ सी (पुरुष) रहेका थिय। त्रिभुवन अन्तर्राष्ट्रिय विमानस्थल नागरिक उड्डयन कार्यालयले जारी गरेको विज्ञप्तिमा दुर्घटनाग्रस्त हेलिकप्टर काठमाडौंबाट उडेको ३ मिनेटपछि सम्पर्कविहीन भएको उल्लेख गरिएको छ ।
चारजना चिनियाँ लिएर रसुवाको स्याफ्रुबेँसी जाँदै गरेको हेलिकोप्टर सूर्यचौरमा दुर्घटना भएको प्रहरी प्रवक्ता डिआईजी दानबहादुर कार्कीले जानकारी दिए। घटनास्थलमा पर्यटनमन्त्री बद्री पाण्डे पुग्दैछन् । त्यहाँ पुगेर उनले घटनाबारे जानकारी लिनेछन् |
