नेपालगंज, ०९ साउन २०८१, जनजागरण समाजको आयोजनमा तथा अन्तर धार्मिक शान्ति महासंघ नेपालको सहयोगमा दिगो शान्ति र सद्भाव प्रवर्द्धनका लागि धार्मिक सवालको बारे विश्वब्यापि आवादिक प्रतिवेदन प्रस्तुति तथा धार्मिक शान्ति अभियान् विषयक छलफल कार्यक्रम सम्पन्न भयो ।
कार्यक्रमको उद्घाटन लुम्बिनी प्रदेशका कृषि तथा भूमिसुधार मन्त्री भण्डारीलाल अहिर , जनजागरण समाजको अध्यक्ष खेमराज बर्मा र बागेश्वरी मन्दिरका महन्त चन्दननाथ योगी द्वारा दीप बत्ती बालि कार्यक्रम संचालन भएको थियो ।
उपस्तिथ अन्य अतिथिमा खजुरा गाउँपालिका गाउँका अध्यक्ष डम्बर बहादुर बि.क, जानकी गाउँपालिका प्रतिधिनिधी राम प्यारी यादव , बाँके इसाई समाजका उपाध्यक्ष पास्टर कुल प्रसाद शर्मा, मुस्लिम धर्मगुरु मौलाना अब्दुल जब्बार मञ्जरी ,बागेश्वरी मन्दिरका महन्त चन्दननाथ योगी, बाँकेका बौद्ध धर्मगुरु सरोज कुमार तामाङ को उपस्थिति रहेको थियो ।
यस कार्यक्रममा इन्सेक नेपाल बाट प्रतिनिधि सम्झा श्रेष्ठ र टिमको उपस्तिथी रहेको थियो भने विभिन्न सरकारी तथा गैर सरकारी संघ संस्थाबाट पनि प्रतिनिधिहरु रहनु भएको थियो । विभिन्न सरकारी तथा गैर सरकारी संघ संस्थाबाट अतिथि ज्युहरु,सल्लाहकार ज्युहरु, बाँकेका धर्मगुरु ज्युहरु, कार्यसमितिका कर्मचारी तथा पत्रकारहरु सबै यस कार्यक्रममा सहभागी हुनु भएको थियो ।
कार्यक्रममा बोल्दै लुम्बिनी प्रदेशका कृषि तथा भूमिसुधार मन्त्री भण्डारीलाल अहिरले सबै धर्मलाई उच्च सम्मान गर्दै सबै धर्मका आस्थावान मानिसहरू मिलेर मात्र देशमा शान्ति र समृद्धि ल्याउन सकिने बताए ।
आफ्नो भनाइ राख्ने क्रममा बागेश्वरी मन्दिरका महन्त चन्दननाथ योगी भन्छन् नेपालगंज एक धार्मिक सद्भाव पूर्ण सहर हो । देशमा शान्तिको लागि धर्मको आवश्यकता छ । एक अर्काको धर्मलाई भड्काउने जस्तो दण्डनीय कार्य कोहि बाट पनि नहोस् यदि यस्तो भएको खण्डमा कानुनले उचित कारवाही गरोस ।
बाँके इसाई समाजका उपाध्यक्ष पास्टर कुल प्रसाद शर्माले सबैलाई आदर सम्मान गर्ने र सद्भाव बढाउने कुनै पनि धर्मको बिरुद्ध मा नजाने भाइचाराको सम्बन्ध बढाउने कुरा बताए ।शर्मा बताउछन् इसाई भएकै कारण पटक पटक धर्मका नाममा भोगेको दु:ख र मानब अधिकार हनन हुने गरि पुगेको चोटलाई सम्बन्धित निकाए तथा राज्यको गम्भीर ध्यानाकर्षण होस् ।
यस कार्यक्रमको मुख्य उदेश्य य़ूपिआरको बारेमा समीक्षा तथा आगामी यूपिआर प्रतिबेदनमा धार्मिक सवालहरु प्रबेसको लागि तयारी र अन्तरधार्मिक शान्ति अभियानलाई संस्थागतका लागि पहल गरि समुदायमा धार्मिक सद्भाव र सहअस्तित्वको स्थापना गर्ने भनेर अन्तरधार्मिक शान्ति महासंघ नेपालको अधिबक्ताले बताए ।
इन्सेक नेपाल का अधिबक्ता सम्झा श्रेष्ठले आफ्नो सेसनमा मानब अधिकारको ऐतिहासिक विकास र सयुक्त राष्ट्र संघको स्थापनाहरु र मानब
अधिकारका ठुला ९ महासन्धिहरू साथै मानब अधिकारको विश्वव्यापी अबदिक’ समीक्षा बारे बोल्दै सबै राज्यको मानब अधिकार तर्फ़ जिम्मेवारी रहेको र युपिर को लागि नेपालको ७ औ प्रदेश बाट डाटा लिने र धार्मिक हिसाबले सद्भाव र मिलाप कायम होस् भनेर यो कार्यक्रम महत्त्वपूर्ण रहेको बताईन ।
यस कार्यक्रम जनजागरण समाजका अध्यक्ष खेमराज बर्मा द्वारा सबै लाई धार्मिक सद्भाव कायम गर्नु भन्दै समापन भयो ।यो कार्यक्रममा ५० जना जति सहभागी थिए।
