पर्साको सखुवा प्रसौनी गाउँपालिकाले त्रिशूली नदीमा बस खसेर बेपत्ता भएका र मृत्यु भएका परिवारलाई जनही एक लाख २५ हजार दिने भएको छ ।
सिमलतालमा पहिरोले बगाएर त्रिशूली नदीमा खसेको बसमा सखुवा प्रसौनी गाउँपालिकाका चार र महुवन स्वास्थ्य चौकीमा कार्यरत एकसहित पाँचजना परेकाले राहतस्वरूप जनही एक लाख २५ हजार रुपैयाँ उपलब्ध गराउने अध्यक्ष यशवन्त यादवले बताए ।
सखुवा प्रसौनी गाउँपालिकाका एकै परिवारका तीनजनासहित पाँचजनामध्ये अहिलेसम्म सौनी– २ जमुनियाकी २४ वर्षीया प्रभा चौधरीको शव दुर्घटनास्थलबाट १०३ किलोमिटरको दूरीमा बुधबार फेला परेको थियो । पाँचजनामध्ये भने अरु चार जनाको शव भेटिएको छैन ।
