काठमाडौं — फिफा विश्वकप २०२६ अन्तर्गत भएको खेलमा जापान र नेदरल्यान्ड्सले बराबरी खेल्दै अंक बाँडेका छन्।
सोमबार राति सम्पन्न रोमाञ्चक खेल २–२ को बराबरीमा सकिएको हो। चारै गोल दोस्रो हाफमा भएका थिए।
नेदरल्यान्ड्सका लागि ५१ औं मिनेटमा भर्जिल भान डाइकले गोल गर्दै अग्रता दिलाए। त्यसपछि ५७ औं मिनेटमा केइतो नाकामुराले गोल गर्दै जापानलाई खेलमा फर्काए।
६४ औं मिनेटमा क्रिसेन्सियो समरभिलले गोल गर्दै नेदरल्यान्ड्सलाई पुनः २–१ ले अघि बढाए। तर खेलको अन्त्यतिर ८९ औं मिनेटमा दाइची कामाडाले गोल गर्दै जापानलाई हारबाट जोगाए।
