१ असार, काठमाडौं — फिफा विश्वकप २०२६ अन्तर्गत समूह एफको खेलमा स्वीडेनले ट्युनिसियालाई ५–१ ले पराजित गर्दै शानदार सुरुआत गरेको छ।
मोन्टेरे स्टेडियममा भएको खेलमा स्वीडेनका लागि यासिन अयारीले दुई तथा अलेक्जेन्डर इसाक, भिक्टर ग्योकेरेस र माथिएस स्भानबर्गले एक–एक गोल गरे। ट्युनिसियाका लागि ओमार रेकिकले सान्त्वना गोल गरे।
अयारीले खेलको ७औं मिनेटमै गोल गर्दै अग्रता दिलाएका थिए भने इसाकले ३०औं मिनेटमा दोस्रो गोल थपे। ट्युनिसियाले ४३औं मिनेटमा रेकिकमार्फत गोल फर्काए पनि स्वीडेनले दोस्रो हाफमा पुनः खेल नियन्त्रणमा लिँदै थप तीन गोल गर्यो।
ग्योकेरेसले ५९औं मिनेटमा, स्भानबर्गले ८६औं मिनेटमा र अयारीले इन्जुरी टाइममा दोस्रो गोल गर्दै जित सुनिश्चित गरे।
यस जितसँगै स्वीडेनले समूह एफमा ३ अंक जोडेको छ।
