रौतहट, २०८३ साल साउन १० वैदेशिक रोजगारीबाट नेपाल फर्किएको १० दिनमै रौतहटमा एक युवकले आफ्नी छिमेकी महिलाको धा’रिलो हति’यार प्र’हार गरी ह’त्या गरेको छ।
जिल्लाको गुजरा नगरपालिका–५, हरिहरपुर टोलमा शुक्रबार बिहान भएको घटनामा स्थानीय चन्देश्वर साह कलवारकी श्रीमती, अन्दाजी ४० वर्षीया रेनु देवी जयसवालको ज्यान गएको छ।
जिल्ला प्रहरी कार्यालय रौतहटका प्रवक्ता डीएसपी वसन्त गौतमका अनुसार उपेन्द्र साह कलवार, जो १० दिनअघि मात्र वैदेशिक रोजगारीबाट नेपाल फर्किएका थिए, उनलाई घटनामा संलग्न रहेको आरोपमा प्रहरीले नियन्त्रणमा लिएको छ।
प्रहरीका अनुसार शुक्रबार बिहान करिब १०:३० बजे व्यक्तिगत विवादका कारण उपेन्द्रले रेनु देवीमाथि खु’कुरी प्र’हार गरेका थिए। घटनास्थलमै उनको मृ’त्यु भएको प्रहरीले जनाएको छ।
घटनापछि आरोपितलाई प्रहरीले नियन्त्रणमा लिई थप अनुसन्धान अघि बढाएको छ। हत्या हुनुको वास्तविक कारण र घटनाका अन्य पक्षबारे अनुसन्धान जारी रहेको जिल्ला प्रहरी कार्यालय रौतहटले जनाएको छ।
