काठमाडौं — स्थानीय बजारमा आज सुनको मूल्य तोलामा रु ५,००० ले वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य आज रु २,९८,२०० प्रति तोला निर्धारण गरिएको छ।
आइतबार सुन प्रतितोला रु २,९३,२०० मा कारोबार भएको थियो भने शुक्रबार यसको मूल्य रु २,९२,००० प्रति तोला रहेको थियो। पछिल्ला केही दिनमा सुनको मूल्य लगातार बढ्दो क्रममा देखिएको छ।
यसैगरी, चाँदीको मूल्य पनि बढेको छ। आज चाँदी प्रतितोला रु ५,०१५ मा निर्धारण भएको छ, जुन आइतबारको रु ४,८९५ भन्दा रु १२० ले बढी हो। शुक्रबार चाँदी रु ४,८४० प्रति तोला मा कारोबार भएको थियो।
नेपाल सुनचाँदी व्यवसायी महासंघ का अनुसार अन्तर्राष्ट्रिय बजारमा आज सुन प्रतिऔँस अमेरिकी डलर ४,३२९.४७ मा कारोबार भइरहेको छ।
